У рэдакцыі выдання «Настаўніцкая газета» адбыўся круглы стол па тэме «Выкарыстанне патэнцыялу адукацыйнага турызму ў выхаванні дзяцей і навучэнцаў”

Мерапрыемства сабрала прадстаўнікоў устаноў адукацыі з розных рэгіёнаў Беларусі, а таксама спецыялістаў гісторыка-культурных аб'ектаў, уключаючы комплекс «Лінія Сталіна». Нацыянальны гісторыка-культурны музей-запаведнік «Нясвіж» прадстаўляла вучоны сакратар музея Вольга Шкрабіна.

Удзельнікі абмеркавалі актуальныя пытанні:

•  Ці гатовыя турыстычныя аб'екты да працы з дзіцячымі групамі?

•  Што ўжо працуе эфектыўна, а што патрабуе дапрацоўкі?

•  Як зрабіць паездку не проста забаўляльнай, а крыніцай ведаў, натхнення і глыбокіх уражанняў?

•  Якія месцы Беларусі, на думку экспертаў, павінны быць абавязковыя для наведвання школьнікамі — і чаму?

"Нясвіж" падзяліўся вопытам арганізацыі адукацыйных праграм, інтэрактыўных экскурсій і праектаў, якія дапамагаюць дзецям не толькі даведацца пра гісторыю, але і адчуць яе. Мы ўпэўненыя: падарожжа— гэта магутны інструмент выхавання, калі яно прадумана з любоўю і прафесіяналізмам.