«Каляды - час цудаў і незвычайных гісторый ў Палацы Радзівілаў»
З 2 па 8 студзеня музей-запаведнік «Нясвіж» і MuzzicDom прадставяць праграму «Каляды - час цудаў і незвычайных гісторый ў Палацы Радзівілаў».
У першыя дні Новага года ўсіх гасцей музея-запаведніка «Нясвіж» чакае казачнае і містычнае вандраванне пад акампанемент чароўнай музыкі эпохі рэнесансу і барока.
Легенды Палаца стануць рэчаіснасцю!
І, магчыма, Вы пабачыце саму... Барбару Радзівіл...
- Але гэта далёка не ўсё, што можа здарыцца ў Калядныя дні.
Добра вядома - аніводнае значнае свята ў Палацы Радзівілаў не абыходзіцца без займальных гісторый. Усіх наведвальнікаў музея-запаведніка чакаюць святочная атмасфера і незабыўныя ўражанні.
Да сустрэчы ў студзені!