Нясвіж

Нацыянальны гісторыка-культурны музей-запаведнік «Нясвіж»

video-poster

Нацыянальны гісторыка-культурны музей-запаведнік «Нясвіж»

video-poster

Нацыянальны гісторыка-культурны музей-запаведнік «Нясвіж»

Квэст «Таямніцы і загадкі палаца Радзівілаў»
8, 29 верасня 2018
Квэст «Таямніцы і загадкі палаца Радзівілаў»
Амаль што адзіная магчымасць пабываць у закрытых для турыстаў месцах комплекса: спусціцца ў падвал, заглянуць за зачыненыя дзверы і знайсці адгадкі з даўніны, каб перайсці на новы ўзровень гульні.
Нясвіж - горад майстроў
з 12 кастрычніка па 30 лістапада 2018
Нясвіж - горад майстроў
Музейны праект дапаможа вам ажыццявіць віртуальнае падарожжа ў цікавы свет рамесных прафесій і ўбачыць тое, што было створана шмат стагоддзяў таму таленавітымі майстрамі.
ВОСЕНЬСКІ ДЫВЕРТЫСМЕНТ
Шпацыр па маляўнічым свеце Мікалая Хомчыка
ВОСЕНЬСКІ ДЫВЕРТЫСМЕНТ

З 05 верасня па 15 лістапада Нацыянальны гісторыка-культурны музей-запаведнік «Нясвіж» прадстаўляе выставу работ Мікалая Хомчыка «Восеньскі дывертысмент». Мікалай Хомчык нарадзіўся ў 1957 г. у г. Мінску. Рана пачаў займацца мастацкай творчасцю. Прыдумаў і распрацаваў свой уласны стыль жывапісу і графікі «NikMix», у якім працуе і цяпер. У 1979 г. прайшоў навучанне на курсах павышэння кваліфікацыі мастакоў пры Мінскім таварыстве «Веды». Працы Мікалая неаднаразова экспанаваліся на рэспубліканскіх і міжнародных выстаўках, ён з’яўляецца лаўрэатам IV прэміі міжнароднага італьянска- расійскага конкурсу гратэскавага жывапісу і малюнку «Бараонда 2012». У перыяд працы ў Групе Савецкіх войскаў у Германіі яго карціны выстаўляліся ў Магдэбургскай мастацкай галерэі. Паспяхова ўдзельнічаў у выставах «Вернісаж» на «Славянскім базары», «Арт Сталіца» ў Цэнтры сучаснага мастацтва ў г. Віцебску, у «Эксперыментальнай выставе» у г. Парэчча. У родным горадзе ўдзельнічаў у выставах «Сакавіцкія каты», «Аліса ў краіне цудаў», а ў «Мінскім Вернісажы» дзейнічае пастаянная экспазіцыя яго карцін. Свае працы мастак стварае не на звыклым палатне, а выкарыстоўвае аргаліт — гэты матэрыял падобны на ДВП. Фарба цудоўна кладзецца на яго, ствараючы адчуванне гладкага слізгацення, а фон, зроблены спосабам лесіроўкі, лёгкі і паветраны, нібы напісаны акварэллю. Мікалай аддае перавагу ў выкарыстанні мастыхіну, што дадае рэльефнасці і аб’ёму. Дынамічныя, яркія мазкі і тонкія хаатычныя лініі ствараюць адчуванне шкляных блікаў у калейдаскопе. Гэтая дзіўная цацка, вядомая яшчэ старажытным грэкам, не выпадкова называецца «гляджу прыгожае». Запрашаем на шпацыр па маляўнічым свеце Мікалая Хомчыка.

ВЫСТАВА “ДАСПЕХІ РАДЗІВІЛАЎСКАГА НЯСВІЖА”
Да 2021 года
ВЫСТАВА “ДАСПЕХІ РАДЗІВІЛАЎСКАГА НЯСВІЖА”

«Даспехі Радзівілаўскага Нясвіжа» — гэта ўнікальная спроба сабраць асобныя элементы найбагацейшай калекцыі зброі і даспехаў роду Радзівілаў, якая захоўвалася ў Нясвіжскім палацы на працягу некалькіх стагоддзяў. У цяперашні час прадметы з гэтай калекцыі прадстаўленыя ў такіх буйных сусветных музеях як Метрапалітэн (ЗША), Музей Арміі ў Парыжы (Францыя), Мастацка-гістарычны музей Вены (Аўстрыя), Брытанскі музей, музей Фіцвільяма Кембрыджскага Універсітэта (Вялікабрытанія) і г.д . У межах гэтага выставачнага праекта ў сценах Нясвіжскага палаца будуць паказаныя артэфакты з калекцый Музея Фіцвільяма Кембрыджскага Універсітэта (Кембрыдж, Вялікабрытанія), Нацыянальнага гістарычнага музея Рэспублікі Беларусь і Нацыянальнага гісторыка-культурнага музея-запаведніка «Нясвіж». Сярод іх арыгінальныя баявыя паўдаспехі XVI стагоддзя, элементы баявых і парадных даспехаў, ахоўныя элементы для коней. Асаблівае месца ў гэтай экспазіцыі займаюць артэфакты са збору музея Фіцвільяма Кембрыджскага Універсітэта. Тут прадстаўленыя элементы даспехаў, якія імітуюць грамадзянскі гарнітур таго часу, так званыя «дуты са складкамі». Такія даспехі былі выключна параднымі або турнірнымі, іх не апраналі ў бой. Як правіла, яны былі багата ўпрыгожаны гравіроўкай, тручэннем, пазалотай. Акрамя таго, для некаторых элементаў у экспазіцыі вядома нават імя майстра, які іх вырабіў — гэта знакаміты нямецкі даспешнік Кольман Хельмшмід, які выконваў замовы для каралеўскіх дамоў і найбуйнейшых магнатаў Еўропы. Менавіта ён быў аўтарам вядомага даспеха Юрыя Радзівіла «Літоўскага Геркулеса», які цяпер экспануецца ў экспазіцыі музея Метрапалітэн (ЗША). Выстава знаходзіцца ў Залатой зале палацавага ансамбля і будзе экспанавацца да 2021 года. Яе наведванне бясплатнае (пры ўмове набыцця білета ў асноўную экспазіцыю). Падзяліцца ў сацыяльных сетках: