Начная экскурсія

Начная экскурсія

Нясвіжскі палац Радзівілаў — самы наведвальны турыстычны аб’ект у нашай краіне. Тысячы турыстаў прыязджаюць паглядзець яго шыкоўныя залы. Надыходзіць вечар, і дзённая мітусня саступае месца вячэрнім агням, таямніцам, і... легенды ажываюць! Уначы ўсё становіцца іншым. Застацца ў замку ноччу, пасля закрыцця, мараць многія дарослыя і дзеці. Супрацоўнікі музея-запаведніка знайшлі магчымасць ажыццявіць гэтыя мары! Экскурсія па начным палацы пакіне ў Вас незабыўныя ўражанні! Дарэчы, меркаванні прафесіяналаў можна даведацца, паглядзеўшы відэаролік ніжэй.

Новая паслуга музея-запаведніка — «Начное падарожжа па замку Радзівілаў» — дзейнічае толькі з 1 кастрычніка да канца сакавіка.
 

Заказ ажыццяўляецца па папярэдняй заяўцы не пазней чым за 2 тыдні. Максімальная колькасць удзельнікаў – 15 чалавек (16+). Дзеці ва ўзросце ад 12 гадоў, дапускаюцца толькі ў суправаджэнні бацькоў. Дзеці  да 12 гадоў на экскурсію не дапускаюцца.

Заяўкі не прымаюцца на выходныя і святочныя дні, на дні ільготнага і масавага наведвання, такія як калядныя і школьныя канікулы, дзяржаўныя святы.

Даведкі і заказ па тэлефонах: +375 1770 20-1-05 , + 375 1770 51-4-36.

Для Вашага камфорту музей-запаведнік прапануе пражыванне ва ўтульным катэджы "Romantic" недалёка ад замка (тэл. +375 29 766-32-88). Для тых хто замовіў экскурсію даецца зніжка 20% ад кошту  пражывання ў гатэлі "Палац" (тэл. +375 1770 5 96 75) і  зніжка 10% ад кошту  вячэры ў рэстаране "Гетман" (тэл. для заказаў +375 29 385 92 39).