Увага! Конкурс!

01.11.2012

ДУ “Нацыянальны гісторыка-культурны музей-запаведнік “Нясвіж” праводзіць конкурс на стварэнне этыкеткі шакаладу “Чорная Панна Нясвіжа на вокладцы”.

Годнаму музею-запаведніку патрэбна адпаведная этыкетка для смачнага шакаладу. Мы прапануем удзельнікам конкурса папрацаваць з выявай Чорнай Панны Нясвіжа – Барбары Радзівіл. Пярэдні бок этыкеткі павінен ўзнавіць запамінальны вобраз княгіні.

На ўрачыстай цырымоніі 23 лістапада будуць абвешчаны пераможцы ў двух прызавых катэгорыях:

Галоўны прыз – грашовая прэмія ў памеры 3 млн. бел. рублёў.

Прыз глядацкіх сімпатый прынясе свайму ўладальніку 1 млн. бел. рублёў.

Для ўдзелу запрашаем мастакоў, дызайнераў і проста таленавітых людзей. Любіць салодкае не абавязкова, а вось быць не маладзейшымі за 18 гадоў – неабходна.

Тэрмін падачы конкурсных прац: з 8 кастрычніка па 15 лістапада 2012 года.

УВАГА! Дадатковую інфармацыю і поўны тэкст палажэння аб конкурсе Вы можаце атрымаць, адправіўшы электронны ліст з пазнакай “Удзел у конкурсе” па адрасе marketing@niasvizh.by.