15 мая – Дзень сям'і!

Дарагія сябры!

15 мая мы адзначаем выдатнае свята – Дзень сям'і! Ён нагадвае нам пра важнасць сямейных каштоўнасцяў, кахання і падтрымкі, якія мы знаходзім у коле родных і блізкіх.

У гонар гэтай асаблівай падзеі Нацыянальны гісторыка-культурны музей-запаведнік “Нясвіж” з радасцю аб'яўляе акцыю “Усёй сям'ёй у музей!” для шматдзетных сем'яў. Пры прад'яўленні пасведчання шматдзетнай сям'і вы зможаце бясплатна наведаць нашы аб'екты – Палацавы ансамбль і Ратушу!

Гэта цудоўная магчымасць правесці час разам, пагрузіцца ў дзіўны свет гісторыі і культуры, а таксама атрымаць незабыўныя ўспаміны пра гэты дзень.

Жадаем кожнай сям'і шчасця і дабрабыту, згоды і ўзаемаразумення, гармоніі і хатняй утульнасці!

Са святам!