2 красавіка Дзень яднання народаў Беларусі і Расіі

Віншуем з Днём яднання народаў Беларусі і Расіі!
Гэты дзень увасабляе ў сабе важнасць сяброўства, узаемаразумення і супрацоўніцтва паміж нашымі краінамі, а таксама нагадвае аб каштоўнасці захавання гістарычных сувязей, культурных традыцый і сумесных духоўных каштоўнасцей.
Музеі адыгрываюць асаблівую ролю ва ўмацаванні міждзяржаўнага дыялогу, захаванні багатай спадчыны і папулярызацыі культуры, аб'ядноўваючы людзей і ствараючы платформу для абмену вопытам.
У гэты асаблівы дзень мы жадаем усім паразумення і далейшага плённага супрацоўніцтва і ў гонар свята запрашаем наведаць унікальную выставу “Вялікі Болгар у выяўленчых крыніцах. Мінулае і сучаснасць”. Экспазіцыя размешчана ў зале аддзела экскурсійнай і інфармацыйнай дзейнасці (вул. Замкавая, 2А) і будзе дзейнічаць да 31 мая 2026 года.
Свая гісторыя адкрываецца і ў зваротным напрамку: экспазіцыя “Нясвіж – здабытак сусветнай культуры” зараз працуе ў Свіяжску. Убачыць, чым ганарыцца Беларусь, могуць госці музея-запаведніка "Востраў-град Свіяжск".
Мы рады пашыраць межы і дзяліцца культурнай спадчынай з нашымі калегамі і гасцямі з розных гарадоў. Да сустрэчы ў музеі!