Дарагія калегі, партнёры, сябры!
Сёння мы шчыра віншуем усіх, хто з любоўю і прафесіяналізмам адчыняе дзверы ў гісторыю, культуру і таямніцы музея – з Днём экскурсавода! Вы – правадыры ў часе, захавальнікі ведаў і натхняльнікі мноства наведвальнікаў.
Для людзей вашай прафесіі не існуе непагадзі і дрэннага настрою. Таму няхай кожны ваш дзень будзе напоўнены станоўчай энергіяй, якой вы будзеце дзяліцца са сваімі гасцямі. Дзякуй за ваша цярпенне, энтузіязм і ўменне зрабіць кожную экскурсію незабыўнай.
Жадаем вам сіл і бадзёрасці, цярпення і натхнення, новых ідэй і адкрыццяў, творчых поспехаў і ўдзячных слухачоў! Няхай ваша праца заўсёды прыносіць радасць і гонар.
Са святам!