Прэзентацыя фільма
У пятніцу 12 красавіка ў музеі-запаведніку «Нясвіж» здымачная група Нацыянальнай кінастудыі «Беларусьфільм» праводзіць прэзентацыю дакументальнага фільма «Вялікае падарожжа Мікалая Крыштафа Радзівіла Сіроткі», рэжысёра Юрыя Цімафеева.
Прэзентацыя адбудзецца ў 11.00 у Гетманскай зале палацавага ансамбля.
Уваход вольны.
Стужка распавядае аб вандроўцы князя па Еўропе і яго паломніцтве ў Святую Зямлю. Лейтматывам карціны з’яўялецца ўплыў падарожжа на традыцыю пахаванняў прадстаўнікоў княжацкай сям’і. Фільм таксама распавядае пра вынікі сумесных даследаванняў славутай радзівілаўскай крыпты навукоўцамі з Літвы і Беларусі. Упершыню на экране можна будзе ўбачыць унікальныя кадры, знятыя непасрэдна ўдзельнікамі падзей.