Латарынгскі шасціканцовы крыж

Латарынгскі шасціканцовы крыж;

сярэдзіна XVIII ст;

срэбра, ліццё, гравіроўка;

l - 2,0 см; b-1,0 см.

Дадзены прадмет быў знойдзены пры даследаваннях у крыпце касцёла Божага Цела ў Нясвіжы. Знойдзены ў саркафагу, дзе пахавана Францішка Уршуля Радзівіл.

Крыж шасціканцовы з двума папярочкамі, размешчанымі бліжэй да верхняга канца. Ніжняя — даўжэй верхняй. Усе канцы крыжа пашыраны.

Латарынгскі крыж, таксама вядомы як "анжуйскі крыж", — геральдычная фігура, якая ўяўляе сабой крыж з двума папярочкамі. Назва паходзіць ад Латарынгіі — вобласці на мяжы Францыі і Германіі. Дарэчы, сімвалам апошняй з'яўляецца менавіта Латарынгскі крыж.

Латарынгскі крыж падобны з патрыяршым, аднак на Патрыяршым крыжы папярочкі, як правіла, размешчаны у верхняй частцы крыжа, а верхняя — карацей ніжняй.

Да ведама: латарынгскі крыж з'яўляецца таксама крыжам Эладскай праваслаўнай царквы. Ён выкарыстоўваўся ў Беларусі ў Сярэднявеччы.