"Спорт у эпоху замкаў і магнатаў"

«Спорт у эпоху замкаў і магнатаў»

      Так называецца новая экскурсія, распрацаваная ў музеі-запаведніку «Нясвіж» адмыслова да пачатку ІІ Еўрапейскіх гульняў. Яна распавядае аб тым, як ставіліся да спорту ўладары Нясвіжскага замка князі Радзівілы. Маршрут праходзіць па цэнтральным двары палацавага комплекса з выхадам на валы і бастыёны.

Падчас экскурсіі вы дазнаецеся:
  • як былі звязаны спорт і «навукі рыцарскія» XVI ст.;
  • якім рухомым гульням аддавалі перавагу прадстаўнікі княжацкага роду ў часы будаўніцтва замка;
  • як праходзілі ўрокі фізічнага выхавання ў Нясвіжскім езуіцкім калегіуме;
  • якое дачыненне мае Мікалай Крыштаф Радзівілл Сіротка да ўзнікнення коннага спорту;
  • што такое «каруселі» і чаму яны былі папулярнымі ў Нясвіжы XVIII ст.;
  • у гонар каго з Радзівілаў праходзіў турнір па коннаму пола;
  • ці можна лічыць Нясвіж месцам нараджэння айчыннага тэніса;
  • колькі більярдных сталоў было ў палацы, і як склаўся іх лёс.
     Таксама можна на ўласныя вочы ўбачыць наваколлі былой магнацкай рэзідэнцыі, дзе некалі віравала спартыўнае жыццё, і фотаздымкі з архіва княжацкай сям’і.
     Экскурсія даступная з 1 чэрвеня па 30 верасня 2019 г.
     Даведкі па тэлефонах: + 375177020602, МТС +375295518051.