Ноч музеяў-2026
Нясвіжскі замак запрашае на “Ноч музеяў-2026”
16 мая 2026 года а 19 гадзіне Нацыянальны гісторыка-культурны музей-запаведнік “Нясвіж” запрашае на мерапрыемствы, прымеркаваныя да Міжнароднага дня музеяў.
У палацы для гасцей будзе праходзіць тэатралізаваная экскурсія-анімацыя з элементамі квэста “Антычныя загадкі Нясвіжскага замка”. Гэта не проста шпацыр па залах, а займальная прыгода. Удзельнікам трэба будзе разгадваць таямніцы старажытнага архіва, шукаць зніклыя лісты і выконваць заданні антычных персанажаў. Вас чакаюць незвычайныя сустрэчы з насельнікамі замка, музыка ў выкананні фартэпіяннага трыа “Трыо Тайм”, загадкі, таямніцы, адкрыцці, танцы, прызы…
Акрамя таго ў Цэнтральным двары палацавага ансамбля разгорнецца сапраўднае свята для ўсіх! Маленькіх гасцей чакае дзіцячая гульнявая зона. Для аматараў незвычайных фота – відэаспінэр для стварэння вашых яркіх відэаролікаў, пляцоўка з “жывымі скульптурамі” і магчымасць прымераць гістарычны касцюм. На сцэне – легендарны ансамбль “Харошкі”. І адна з важных падзей вечара – кірмаш рамеснікаў. Тут можна не толькі палюбавацца ўнікальнымі вырабамі ручной працы, але і знайсці той самы сувенір на памяць з часцінкай нясвіжскай казкі.
У рамках святкавання Міжнароднага дня музеяў будзе дзейнічаць акцыя “Музей запрашае” – магчымасць ільготнага наведвання мерапрыемстваў па адзіным білеце.КОШТ БІЛЕТАЎ:
адзіны ўваходны білет*
- поўны - 35.00 руб.
- ільготны (для школьнікаў, студэнтаў, дарослых членаў шматдзетных сем'яў) - 25.00 руб.
*У кошт АДЗІНАГА БІЛЕТА ўключана наведванне праграмы “Ноч музеяў-2026” у Цэнтральным двары і наведванне тэатралізаванай экскурсіі-анімацыі “Антычныя загадкі Нясвіжскага замка” ў Палацавым ансамблі.
Білеты на мерапрыемствы можна набыць:
- з 18:00 да 20:00 у інфармацыйна-касавым цэнтры,
- з 18:40 да 21:00 у касах палаца.
Білеты У ДВОР на тэматычную праграму “Ноч музеяў-2026” можна набыць АНЛАЙН па спасылцы