Важная перамога

XXI рэспубліканскі турыстычны конкурс "Пазнай Беларусь" штогод праводзіцца Нацыянальным агенцтвам па турызме пры падтрымцы Міністэрства спорту і турызму Рэспублікі Беларусь. У 2023 годзе на яго было пададзена 835 заявак.  

Сярод задач конкурсу – стымуляванне канкурэнтаздольнасці рынку турыстычных паслуг Рэспублікі Беларусь, заахвочванне за ўклад у развіццё турыстычнай індустрыі, прыцягненне ўвагі да турыстычных брэндаў, стварэнне станоўчага вобразу Беларусі як краіны, прывабнай для турыстаў, экскурсантаў, прыцягненне насельніцтва да актыўных формаў адпачынку, прапаганда здаровага ладу жыцця, папулярызацыя гістарычных славутасцяў, культурнай і прыроднай спадчыны Рэспублікі, павышэнне прэстыжу прафесій, занятых у турыстычнай індустрыі, стымуляванне выкарыстання сучасных тэхналогій у турызме. Музей-запаведнік "Нясвіж " выступаў і ўдзельнікам, і партнёрам конкурсу.

У Нацыянальным акадэмічным тэатры імя Янкі Купалы былі названыя пераможцы ў 13-і намінацыях: «Я спазнаю Беларусь», «Экскурсавод года», «Турыстычная кампанія года», «Сродак размяшчэння года», «Санаторый года», «Аграэкасядзіба года», «Матэрыял года», «Фатаграфія года», «Музей года», «Аб'ект экалагічнага турызму года», «Аб'ект прамысловага турызму года», «Падзейнае мерапрыемства года», «Аб'ект рэлігійнага турызму года».  Апошняя намінацыя ўведзена ўпершыню і прымеркавана да года міру і стварэння.

У намінацыі "Музей года" (паднамінацыя» рэспубліканскія/абласныя (уключаючы мінскія гарадскія) музеі" аўтарытэтнае журы прызнала лаўрэатам «Нацыянальны гісторыка-культурны музей-запаведнік "Нясвіж", дыпламантамі сталі Гродзенскі дзяржаўны гісторыка-археалагічны музей і Дзяржаўная гісторыка-культурная ўстанова "Гомельскі палацава-паркавы ансамбль".

Конкурс "Пазнай Беларусь" — адзін з самых прэстыжных у музейнай сферы.  Гэта ўзнагарода, якая прызнае і заахвочвае выдатныя дасягненні музеяў у захаванні і прасоўванні культурнай спадчыны і з'яўляецца своеасаблівым «музейным Оскарам».  Для музея-запаведніка "Нясвіж" перамога ў гэтай намінацыі мае вялікае значэнне, а атрыманне звання "Музей года" падкрэслівае важнасць і прывабнасць для наведвальнікаў і культурнай грамадскасці і пацвярджае статус аднаго з самых важных музеяў у Беларусі.

Перамога ў гэтай намінацыі таксама з'яўляецца моцным стымулам для далейшага развіцця музея-запаведніка "Нясвіж".