«Турызм на Шаўковым шляху»

У сталіцы Рэспублікі Узбекістан Ташкенце з 21 па 23 лістапада праходзіць міжнародная турыстычная выстава «Турызм на Шаўковым шляху».

Нацыянальны стэнд Рэспублікі Беларусь прадстаўлены некалькімі рэгіёнамі. На пляцоўцы Мінскай вобласці працуюць прадстаўнікі Нацыянальнага гісторыка-культурнага музея-запаведніка «Нясвіж».

Трэба адзначыць, што для наведвальнікаў гэтага мерапрыемства культурная спадчына Беларусі пакуль яшчэ малавядомы кірунак для турызму, таму госці і ўдзельнікі з цікавасцю знаёмяцца з нашым патэнцыялам.