Музыка нашага часу
ЛЕТНІ ФЕСТЫВАЛЬ КАМЕРНАЙ МУЗЫКІ “ДАЎНІНА І СУЧАСНАСЦЬ”
Нацыянальны гісторыка-культурны музей-запаведнік “Нясвіж”
Тэатральная зала Палацавага ансамбля
(г. Нясвіж, вул. Замкавая, 2)
15 жніўня 2026 г. (субота), 14.00
Канцэртная праграма “МУЗЫКА НАШАГА ЧАСУ”.
Выканаўцы: Таццяна Старчанка (фартэпіяна).
Музыка нашага часу. Часу складанага, поўнага драматызму і трагедый, часу, калі дасягненні чалавецтва, яго прагрэс абарочваюцца катастрофамі і гібеллю людзей. Але і ў гэты час чалавечая душа нязменная. Яна прагне міру, прыгажосці і гармоніі.
Гармонія нашага часу таксама стала іншай – і гэта адлюстроўваецца ў музыцы Майкла Наймана, Філіпа Гласа, Валянціна Сільвестрава, Леаніда Дзясятнікава, Макса Рыхтэра.
Гэтая музыка – адлюстраванне сучаснага свету, але і арыенцір, якім павінен быць гэты свет: інтэлектуальным і чуллівым, нават у пакутах знаходзіць выхад да святла, поўным любові і ўзаемаразумення.