«Вяртанне да тэатральных вытокаў»

23-24 ліпеня ў цэнтральным двары палацавага ансамбля пройдзе тэатральны фестываль у рамках творчага праекта «Вяртанне ды тэатральны вытокаў». У праграме — дзве пастаноўкі Заслужанага аматарскага калектыву Рэспублікі Беларусь тэатра імя Уршулі Радзівіл.

Пасмяяцца над абдураным мужам або паўшчуваць хітрую маладую жонку? Каму падарыць сваю сімпатыю вы зможаце вызначыць толькі паглядзеўшы спектакль «Ён — мужык, а Яна — паненка» па п'есе Жана-Батыста Мальера «Жорж Данді, або Абдураным муж». Паводле гістарычных звестак французская публіка ў 17 стагоддзі смяялася падчас гэтага спектакля.

Аб п'есе «Чорная панна Нясвiжа» Аляксея Дударава не чуў, мабыць, толькі лянівы. Але ці бачыў? Тых, хто чуў, але не бачыў, паглядзець гэтую выдатную рамантычную гісторыю з налётам сярэднявечнай містыкі арганізатары запрашаюць у другі дзень фестывалю. Даведкі па тэл .: + 375 29 279 45 72, 8 01770 2 10 54. Набыць квіткі