Канцэрт класічнай музыкі «ШАПЭН У ЗАМКУ»
![Канцэрт класічнай музыкі «ШАПЭН У ЗАМКУ»](/upload/resize_cache/iblock/a60/renykfetzbahujke6571akgrtk7tqog1/400_600_0/15-iyulya-SHopen-insta.jpg)
15 ліпеня Нацыянальны гісторыка-культурны музей-запаведнік «Нясвіж» запрашае ў Тэатральную залу палацавага ансамбля на канцэрт класічнай музыкі «ШАПЭН У ЗАМКУ». Пачатак — 13:00.
У выкананні вядомай беларускай піяністкі і мастацкага кіраўніка фестывалю Таццяны Старчанкі прагучаць творы Фрыдэрыка Шапэна.
Адкрые праграму ўсім вядомы, знакаміты паланэз ля бемоль мажор, які дзіўным чынам адпавядае ўрачыстай атмасферы Тэатральнай залы. Паланэз, якім у мінулым адкрываліся ўрачыстыя вечары і балі. Чароўныя вальсы будуць змяняцца мазуркамі, далікатныя накцюрны - прэлюдыямі, а скончыць праграму ўсімі скерцо N 2, сі бемоль мінор.
Падзяліцца ў сацыяльных сетках: