Суботы з музычным акцэнтам у Палацы Радзівілаў

Ліпень: 7,14,21,28
Жнівень: 4,11,18,25

У суботу ў Нясвіж ўсёй сям’ёй, вясёлай кампаніяй на цэлы дзень!

Барабанны пошчык і прызыўныя гукі дуды, якія разносяць па ваколіцы палацавых зямель нясвіжскага наваколля. Гэта нашы новыя займальныя праграмы на летні сезон 2018 з музычным акцэнтам!

У цэнтральным двары Палаца гасцей сустракае маршалак, збірае іх у круг, каб прыдворны танцор з музыкамі разам з гасцямі адрэпеціравалі старадаўні танец. А то як жа так — быць у палацы і не танчыць?!

Хочаце прайсці конкурс у адборачным туры на адкрытую вакансію ўдзельніка палацавай харавой капэлы? Мы ведаем ваш адказ — так! Імпазантны шоўмен, весялун і музыкант — Віктар Шалкевіч у вобразе князя дапаможа вам у гэтым па-майстэрску. А то як жа так — быць у палацы і не спяваць?

«Вольнае піяніна» ужо адкрыта. Вы ўмееце і любіце гуляць? Падарыце сваё майстэрства ўсім навакольным.

На працягу ўсяго дня ў двары працуе дзіцячая творчая пляцоўка!

А бліжэй да вечара мы запрашаем вас згуляць у квест «Таямніцы і загадкі Палаца Радзівілаў». Пачатак квэста кожную суботу ў 16:30. Гульня займае крыху больш за дзве гадзіны. Што ж гэта такое — квэст у палацы? Антонію Вільгельму неабходна дапамагчы з інвентарызацыяй палацавага начыння. Гэтая частка гульні дапаможа вам быць пільнымі і цікаўнымі. І ўсё б было проста, калі б не таямніцы, назапашаныя за 500-гадовую гісторыю. Такім чынам, вы пабываеце ў месцах, дзе не праходзяць турыстычныя маршруты, разгледзеце ўважліва, што ж вісіць на сценах, ўпрыгожвае залы, даведаецеся пра самых яркіх прадстаўнікоў роду, іх заслугі і поспехі, пабываеце ў алхіміка.

І гэта яшчэ не ўсё! Толькі ў летні сезон. Новы экскурсійны маршрут «Прагулкі па старадаўніх бастыёнах». З 18:00 да 21:00, пачатак апошняй экскурсіі ў 20.15.

Эксклюзіўным момантам для аматараў гісторыі стане магчымасць падняцца на валы палаца ў суправаджэнні прафесійнага гіда. Вы даведаецеся пра гісторыю будаўніцтва замка, а таксама пра гераічныя старонкі яго гісторыі.

З вышыні валаў Вы зможаце палюбавацца захапляльнымі краявідамі, зрабіць цікавыя фатаграфіі, убачыць «Тэатральную» паляну і даведацца шмат цікавага пра тэатр Радзівілаў і старадаўнія паркі.

Хочаце яшчэ? Заставайцеся! Кожную нядзелю ў Палацы можна пазмагацца з рыцарамі, пазнаёміцца ​​асабіста з Мікалаем Хрыстафорам Радзівілам Сіроткам і даведацца, як капітуляцыя Парыжа выратавала сям’ю Антонія Вільгельма Радзівіла і Марыі Дароты дэ Кастэлян. У княжацкай пары заўсёды для дарагіх гасцей у запасе ёсць сюрпрызы. Сардэчна запрашаем у Нясвіж! Даведкі па тэлефонах: + 375-1770-20-6-02, +375-29-551-80-51, +375-29-190-31-49.