Сёння адзначаецца Міжнародны дзень памяці ахвяр халакосту

Дата не была абраная выпадкова: 27 студзеня 1945 года войскі Савецкай арміі вызвалілі першы і самы вялікі з канцэнтрацыйных гітлераўскіх лагераў — Асвенцым, дзе было знішчана больш за 1,3 мільёна людзей падчас Другой сусветнай вайны.

Сёння халакост — сістэматычнае праследаванне і знішчэнне ў гады Другой сусветнай вайны з боку нямецкіх нацыстаў і іх прыспешнікаў з іншых краін прадстаўнікоў габрэйскага народа, славян, цыган, людзей з псіхічнымі і фізічнымі абмежаванасцямі.