Запрашаем на «Каляды ў Нясвіжы»

Другі раз у палацы Радзівілаў пройдзе фестываль “Каляды ў Нясвіжы”. 24 і 25 снежня вядомая піяністка Таццяна Старчанка, стваральнік і мастацкі кіраўнік "Музычнай гасцёўні" Белдзяржфілармоніі, і зоркі беларускай класічнай музыкі прадставяць тры канцэрты.

24 снежня ў Тэатральнай зале а 14 гадзіне фестываль адкрые праграма "Barocco and Jazz", дзе прагучыць любімая класіка ў элегантным джазавым чытанні.

Цэнтральнай падзеяй фестывалю стане непаўторная "Калядная ноч у замку" – канцэрт, які створыць асаблівы святочны настрой і падорыць адчуванне чараўніцтва і казкі.

24 снежня, пачатак анімацыйна-музычнага прывітання ў экспазіцыі – а 18 гадзіне, канцэрта – а 19 гадзіне.

25 снежня ў 14:00 таксама ў Тэатральнай зале гасцей чакае "Вялікі калядны канцэрт", на якім прагучаць вядомыя і любімыя творы А. Вівальдзі, Г.Ф.Гендэля, Й.С.Баха, Я.Голанда, М.Радзівіла.

Фестываль "Каляды ў Нясвіжы" – гэта цудоўныя музычныя канцэрты, казачная атмасфера старажытнага замка і адчуванне пераднавагодняга чараўніцтва. Прыязджайце – і пераканайцеся самі!

Білеты