Кафля тэракотавая

Кафля тэракотавая

XVI-XVII стст.;

гліна, фармоўка;

l-23 см.
Вонкавая пласціна кафлі злепленая з трох фрагментаў. Румпа (выступ на задняй пласціне кафлі, прызначаны для яго замацавання ў муры печы або сцен) страчана цалкам. Упрыгожаны арнаментам з анімалістычным сюжэтам: леў і грыфон, якія стаяць насупраць. Паміж імі стылізаваная кветка ў вазе.

  Вядома, што ў канцы ХVI ст. печы з узорыстымі кафлямі адзначаюцца практычна ва ўсіх феадальных замках, шляхецкіх сядзібах, багатых гарадскіх дамах. Роля печы не зводзіцца толькі да абагравання памяшкання, яна таксама выступае актыўным элементам у інтэр'еры, дапаўняючы кампазіцыю пакоя.

  Знойдзена кафля ў ходзе архітэктурна-археалагічных даследаванняў, праведзеных з 2001 па 2011 гг. на тэрыторыі палацава-паркавага комплекса. У дадзены момант прадстаўлена на выставе ў гонар юбілею музея «Упершыню экспанат».