Літаўра

ЛІТАЎРА

Рэч Паспалітая;

XVIII ст.;

медзь, скура;

коўка, выраб, зборка;

59,2 см х 37 см

       У экспазіцыйнай прасторы “Арсенал” Нацыянальнага гісторыка-культурнага музея-запаведніка “Нясвіж” на драўляным пастаменце ля акна размяшчаны музычны інструмент, які выкарыстоўваўся падчас баявых дзеянняў, – літаўра. Лічыцца, што прабацькамі літаўраў з’яўляюцца аравійскія нагары. Яны ўяўлялі сабой невялікія барабаны, якія выкарыстоўваліся падчас ваенных цырымоній.

Гук літаўры гулкі і доўгі, у гэтым яе адрозненне ад барабана, які гучыць сцісла і рэзка.

Інструмент літаўра складаецца з катлападобнай чары, выкаванай з медзі, на яе венца нацягнута замацаваная металічным абручом скура. Скура расцягваецца 7 шрубамі. Унізе, у цэнтры корпуса, маецца рэзанатарная адтуліна. Інструмент размешчаны на трохногай металічнай падстаўцы.

 Па матэрыяле і форме літаўра можа датавацца XVIII стагоддзем, выкарыстоўвалася ў ваеннай справе, асабіста — ў цяжкай кавалерыі.