СУМАЧКА ТЭАТРАЛЬНАЯ
Сумачка тэатральная;
Заходняя Еўропа;
канец XIX – пачатак XX стст.;
срэбра, пляценне, манціраванне
Уэкспазіцыйнай прасторы палацавага ансамбля і выставачных залах гарадской ратушы размяшчаецца экспанат – жаночы аксесуар, які суправаджаў дам на свецкіх прыёмах, у тэатры, – срэбная сумачка.
Сумачка амаль прамавугольнай формы. Металічнае палатно кальчужнага тыпу прымацавана да металічнай рамкі з зашчапкай у выглядзе дзвух шарыкаў, якія заходзяць адзін за другі (адзін шарык cтрачаны). Знізу сумачкі — дэкор у выглядзе падвешаных ланцужкоў з срэбра. Да рамкі прымацаваны два колцы для дзяржання-ланцужка. Рамка ўпрыгожана гравіроўкай расліннага арнаменту. На ўнутраным боку рамкі авальнае кляймо.