Экспанат месяца
Замок уразны
Рэч Паспалітая; ХVII – пачатак ХVIIІ стст.; метал; коўка; h – 20,0 см; b – 24,0 см; h – 29,5 см.
Уяўляе сабой скрыню з механізмам унутры. На бакавой планцы і франтальнай паверхні знаходзяцца рычагі з пляскатымі, закругленымі, злёгку ўвагнутымі канцамі. На верхняй планцы - тры рухомыя зашчапкі. У вуглавых частках захаваліся чатыры каваныя шрубы. Над ключавінай знаходзіцца накладка ў выглядзе пялёстка.
Падобныя замкі вырабляліся кавальскімі цахамі для масіўных дзвярэй жылых дамоў, культавых пабудоў, брамаў і званіц.
Згодна легендзе прадмета, замок знаходзіўся на дзвярах адной з пабудоў комплекса кляштара ордэна Святой Брыгіты ў горадзе Гродна.
Архіў экспанатаў
